من فترة كنت عم مر بحالة تعيسة نفسياً ورجعت اكتب بدفتر مذكراتي، آخر صفحة كتبتها من كم يوم كان فيها هادي العبارات:
حياتي كتير بشعة
بكره حياتي
وحاسة انو صارت صعب تنعاش!
مع انو ماكان متغير علي شي كتير! يمكن هاد السبب أساساً؟
كأني كنت متوقعة الحياة تعطيني الصدف السعيدة والانجازات الكبيرة باستمرار وبتحسن دائماً!
وكل ما صارت الحياة متوَقَّعة ومألوفة، المفروض يصير حدث يغير حياتنا تغيير كبير!
مبارح قرأت تدوينة صديقتي @imene.ms بعنوان “كن شخصاً عادياً“
وخلتني انتبه قديش أنا فعلاً ببحث عن اللحظات العظيمة اللامعة وبعتبرها تعريف للحياة “المميزة والمثيرة للاهتمام” بينما الحياة اليومية بتكون بكل أشكالها العادية والمملة وأحداثها المتكررة هي يلي عم تشكل ذكرياتنا المستقبلية يلي وقت رح نتذكرها رح نعتبرها مميزة وحلوة!
اليوم حسيت ترتيب المطبخ ومسح الأرض جداً منعش!
وحسيت انو يومي الهادي الاعتيادي سعيد مع سلمى هي وعم تنضف مطبخها الصغير جنبي ✨
وهلأ صورة مطبخي “السوري جداً” ❤️ رح تخليني سعيدة بكل مرة بشوفها فيها وبتذكر اني يوماً ما دخلت على المطبخ وكانت الأرض عليها كائنات حية ومتكاثرة من الأوساخ 🌚
ولما صورتو كان عم يلمع 😌
لطيفة ! صباحك هاديء وسعيد
شكرًا لك على هذا الحب الكبير صباحًا 💜🌼
إعجابLiked by 1 person
من دواعي سروري ❤️
إعجابإعجاب
لسا مستمر عندك هيدا الاحساس انو الحياة بشعة؟
إعجابإعجاب